İstədi mən tək yana dəhrdə pərvanə də

Biz sosial mediada:
TikTok: BEY MEDİA | YouTube: BEY MEDİA | İnstagram:BEY MEDİA

loading...
İstədi mən tək yana dəhrdə pərvanə də


İstədi mən tək yana dəhrdə pərvanə də,
Eh, görəsən gördü nə mən dəli-divanədə?

Üz çevirib getmisən, həsrət üzür qəlbimi,
Əhdə vəfa görmədim eşqinə biganədə.

Bənd elədim qəlbimi zülfü-pərişanına,
Dəstələdin zülfünü, getdi ürək şanədə.

İçməyə eşqin meyin adət edib bilmişəm,
Yoxdu bu ləzzət düzü məscidi-qəmxanədə.

Gül nəfəsin dəydimi əsdi ürək telləri,
Bənzərini görmüşəm tir-tir əsən nanədə.

Yandı Kərəm, çöllərə Məcnun adını həkk edib,
Mən dəliyə yoxdu yer indi bu viranədə.

Eşqimiz əfsanəyə döndü, gəzir elləri,
Bəs niyə “Məmməd” adı yoxdu bu əfsanədə?

Şərh Yaz