Gözəl! (Qarğışnamə)

TikTok: BEY MEDİA | YouTube: BEY MEDİA | İnstagram:BEY MEDİA


Elnur Rəsuloğlu (Əliyev)


"Qız" adın daşımaq səninçün deyil,
"Qızlıq dünyası"na ləkəsən, gözəl!
Görüm, bu dünyada ömrün uzunu
Kədərli olub dərd çəkəsən, gözəl! 


Kar olsun qulağın, lal olsun dilin,
Tökülsün saçların, əyilsin belin.
Getsin, qayıtmasın geri sevgilin,
Gözünü yollara dikəsən, gözəl! 


Bütün bədənini bürüsün irin,
Uzaqdan "gəl" desin qartmağın, kirin.
Ağlaya-ağlaya əzizlərinin
Ağ kəfənlərini tikəsən, gözəl!

Şərhlər 1

Offline
Admin 21 Haziran 2020 09:59
Super və çox rast gəlinməyən Şeir tiplərindəndir, maraqlı və mənalı şeirdir 
--------------------
Beydi

Şərh Yaz